بِیرامویز مؤبارک
یازار : همدانلی
+0 بگن
عزیز همدان لی لار و تؤرک لَر، 1396 ایلینین بِیرامون سیز عزیز لره تبریک دییریک.انشالله ینگی ایلیز خوشلوقونان گلسین
یِنگی ایلین مناسبتینه بیر گؤزل شعر همدانلی شاعریمیز
آقای مهدی کریمی دَن
همدان/پامبولو(فامنین)/ اصله کندی
🌸 یار گلیر 🌸
گؤل دوداقین آچوب گؤلدی اِئل لَره
خبر وِردی بیلدیر گِدَن یار گلیر
ینگی پالتار یاشیل مخمل نقشی گول
گِییب داغلار، بؤرکو اؤستَه قار گلیر
🌼🌷🍃
یار گَلَنه سؤپؤرؤلؤب یول اؤستو
مین گؤلؤنن دؤشَنیب دیر چول اؤستو
یایلاق اولوب، غاز _ اُردکه ، گؤل اؤستو
بولاق جوشوب داغلاردان آخار گلیر
🌼🌷🍃
بو یار کیمدی باخیشلاری غَمزه لی
شهلا گؤزو زُلفی ساچی سبزه لی
خوش عَطیرلی ریحان ایله مَرزَه لی
پیشوازونا کؤچَن دورنالار گلیر
🌼🌷🍃
جنت باغوندان گلیری نازی وار
مین چالانی، اوینویانی، سازی، وار
اوخویانی بولبول، خوش آوازی وار
گؤزو یاشلو بولوتلار اوینار گلیر
🌼🌷🍃
بو یار گَلیر کُهنه ایلی قوماقا
طبیعتین اَل اؤزؤنو یوماقا
بولوت یامانلوقون بورنون اوماقا
گؤن باتاندان قوشون چکیب جار گلیر
🌼🌷🍃
سِل لَر سولار سِوینمَکدَن جوشدولار
ایستکلی لَر عشقه نغمه قوشدولار
سینیق اؤرَک لَر بایرام دا خوشدولار
یاز ( #کریمی ) باروشدوران یار گلیر
🌼🌷🍃
شعر : #مهدی_کریمی/همدان/ اصله کندی
1396 ایلی / بِیرام گؤنؤ